Long Lost Poems

 

KOLEHIYALA

By MPPinto

 

Kasisidmon kung magmata,

Para mag eskwela

May kwaderno nga dala

Pero blanko kag wala sang letra

 

Maligo kag mag-ilis,

Sang bestida nga manipis.

Dala kurit kag kiskis

Sang make-up sa iya kutis.

 

Madulum na ang kalye

Sang ikaw nagbyahe

Kay wala inugpamasahe

Ku-ot nalang ang plete.

 

Karon handa ka na,

Dulom na sa Plazoleta

Tindog na kag mag linya

ang Klase magasugod na.

 

 

KALIT

By MPPinto

 

Dali-a wala si nanay

Kadto na di sa balay

Dala coke kag tinapay

Ang text ni Inday

 

Ini naman si Toto

Daw nagapala-is nga ido

Dali-dali nag paligo

Ari, libre naman ang igo.

 

Linti kag bilatibay,

Ang yawyaw ni Nanay

Sang nakita naga sampawanay

Si toto kag si Inday

 

Kay man mga bata pa,

Di pa handa mangasawa

Ang solusyon sa problema

Si Clara nga paltera sa Tanza

 

Pero ining si Inday naga luha

Kay indi na makabata

Sa malip-ot kag kalit nga kasadya

Dalayon nga pag antos ang gaba ya